ОШТЕТУВАЊЕ НА СЛУХОТ

Оштетување на слухот кај повозрасните луѓе

Ризикот од оштетување на слухот општо земено се зголемува со возраста и, според податоци на Светската здравствена организација, со овој проблем се засегнати повеќе од 25% од луѓето над 60 години. Може да биде постепено или ненадејно, на едното или на двете уши. Presbycusis (презбикузија – старечка наглувост) значи губење на слухот поврзано со стареењето и најчесто е вид на сензоневрално губење на слухот. Го предизвикуваат многу различни фактори, како на пример: хронични болести, пушење, генетски предисипозиции, чести воспаленија, алкохол, повреди итн. Иако не е животозагрозувачка состојба, оштетувањето на слухот значајно влијае на човековиот квалитет на живот, предизвикувајќи многу други проблеми.

Најдете соодветни решенија за слух
ЗНАЦИ НА ОШТЕТУВАЊЕ НА СЛУХОТ

Како да откриете оштетување на слухот кај возрасни

Важно е оштетувањето на слухот навреме да се препознае и да се дејствува пред да состојбата да се влоши, бидејќи оштетувањето на слухот значајно влијае на квалитетот на живот и бидејќи може да доведе до други дополнителни проблеми, како што се депресија и деменција. Доколку забележите знаци на оштетување на слухот или проблеми со слухот коишто влијаат на вашиот секојдневен живот, советувајте се со специјалист оториноларинголог. Погледнете ја листата на симтоми на оштетување на слухот:

Знаци на оштетување на слухот кај повозрасни луѓе

Повторување

Често ги прашувате луѓето да повторат што кажале

Разбирање

Имате проблем да го разберете говорот и да ги следите разговорите во бучни ситуации

Јачина на звук

Го пуштате гласот на телевизорот или музиката посилно од обично

Проблеми при разговор на телефон

Тешко ви е да ги разберете луѓето кога зборувате на телефон

Тинитус

Имате чувство дека нешто постојано ви ѕвони или зуи во увото

Како да го спречите оштетувањето на слухот?

Заштитете ги вашите ушите

Општо избегнувајте голема бучава

Стишете ја јачината на звукот

Избегнувајте да слушате екстремно гласна музика преку слушалки и секогаш правете кратки паузи кога ги користите на подолг период (на пр. 5 минутна пауза на еден час).

Заштита на ушите

Заштитете ги ушите за време на активности во бучни средини (на пр. во ноќни клубови или на спортски настани), тоа вклучува да се тргнете подалеку од звучниците, да правите паузи или да носите тампони за уши.

Заштита на работа

Ако работите во бучна средина, заштитете ги ушите или зборувајте со одделот за човечки ресурси за можностите за заштита на ушите на работа.

Здраво живот

Одржувајте здрав животен стил, избегнувајте алкохол и цигари, намалете го стресот и вежбајте редовно.

Оштетувањето на слухот не е крај на светот – проверете ги достапните решенија за слух!

На возрасните со оштетување на слухот може успешно да им се помогне со модерни решенија за слух: слушни помагала и слушни импланти. Во зависност од степенот и видот на оштетување на слухот, идеалното решение е секогаш индивидуално. На нашата платформа можете да ги погледнете различните можности за третман на оштетувањето на слухот.

ПРЕПОРАЧАНИ СТАТИИ

Прочитајте одлични приказни
за корисници на слушни импланти!

Рана грижа за слухот на децата родени глуви

Патрик Беганович се сеќава на дијагнозата на својата ќерка Маја - тешко оштетување на слухот. Благодарение на кохлеарен имплант поставен во Универзитетската болница во Линц, семејството се радува на првите зборови на Маја.

Categories: Живот|