Сензоневралното оштетување на слухот значи дека или има оштетување на рецепторните клетки или недостигаат. Рецепторните клетки ги претвораат акустичните сигнали во електрични што му се потребни на мозокот за правилно да го разбере звукот. Рецепторните клетки можат да бидат оштетени од голема бучава, наследно, поради повреда на главата, стареење или од различни други фактори од околината.

Овој вид оштетување на слухот се дијагностицира кога проблем во надворешното или средното уво го оневозможува звукот да се пренесе во внатрешното уво. Кондуктивното оштетување на слухот може да е предизвикано од инфекција, дупнато тапанче, деформации на увото итн. Ако проблемот е времен, може да се реши со лекови или операција. Кога лековите или операцијата не можат да го решат проблемот, постојат решенија за слух кои можат да помогнат!

Овој тип оштетување на слухот претставува комбинацијата на кондуктивно и сензоневрално оштетување на слухот, ова значи дека постои проблем со внатрешното уво во комбинација со средното или надворешното уво. Комбинирано оштетување на слухот може да биде предизвикано од различн ифактори, како што е холестеатом или други тумори, повреда итн.

Кога оштетување на аудитивниот нерв или целосното отсуство на аудитивен нерв го спречува сигналот да стигне до мозокот, тоа се нарекува неврално оштетување на слухот. За среќа, мозочностеблените импланти денес можат успешно да го решат овој проблем!