РЕШЕНИЈА ЗА СЛУХОТ
Од слушни помагала до слушни импланти
Сите уши се различни! Затоа треба да го барате совршеното решение за вас! Различни видови оштетувања на слухот се третираат со различни решенија. За послабите оштетувања, слушните помагала најчесто успеваат да помогнат; за оние со големо до тешко оштетување на слухот, со специфичен вид оштетување на слухот или со целосна глувост, посоодветни се слушните импланти. За децата со оштетување на слухот, слушните импланти го отвораат патот кон речиси нормален развој на јазикот и кон живот полн можности. Затоа ако имате проблем со слухот, првиот чекор е да го тестирате својот слух од страна на специјалист оториноларинголог, кој ќе го одреди видот и степенот на оштетувањето на слухот.
Решенија за слухот преглед
Постојат разновидни решенија за слухот за луѓе со различни видови и степени на оштетување на слухот. Дознајте како работат и кога се користат. Вратете го слухот и подобрете го квалитетот на својот живот!
Слушни импланти
Кохлеарни импланти се слушни системи коишто се поставуваат хируршки и се составени од два дела: аудиопроцесор и имплант. Кохлеарните импланти се користат за третирање од големо до тешко сензоневрално оштетување на слухот.
Имплантите за коскена спроводливост се користат за третман на кондуктивно оштетување на слухот, мешано оштетување на слухот и на еднострана наглувост. Имплантот се поставува под кожата и се поврзува со аудиопроцесор што се носи однадвор на кожата!
Имплантите за средното уво се користат како решение за луѓето со средно до големо сензоневрално оштетување на слухот. Имплантите за средното уво го пренесуваат звукот директно до внатрешното уво и на тој начин го зачувуваат природното слушање.
Други слушни системи
Системите за коскена спроводливост не бараат оперативен зафат и се носат зад увото. Удобни се и лесни за употреба и претставуваат идеално решение за слух за бебињата и децата, но и за возрасните со кондуктивно оштетување на слухот.
